म एउटा पीडाको गित गाउन चाहन्छु

म एउटा पीडाको गित गाउन चाहन्छु
सबैको मनमा सधै छाउन चाहन्छु !

निष्ठुरीको मनलाइ पगाल्न सक्ने भए
बिछोड्मै रमाएर आफै आउन चाहन्छु  !

नछोड्ने भयो कहिले यो पिर चिन्ताले
कल्पनाकै एउटा संसार बनाउन चाहन्छु !

लाग्दैछ यो मायाको तिर्सना धेरै भो
जुनिभरि उनकै हात समाउन चाहन्छु !

रेशम श्रेष्ठ
हुवाश-३, पर्बत

तिमिलाइनै यो मनले चाहेर त रोजे

तिमिलाइनै यो मनले चाहेर, त रोजे
हर सपनिमा तिमिनै धाएर, त रोजे ।

सयेउ हजारौं थिए मेरो नजरमा पनि
तिमिसंगै दिलले माया लाएर, त रोजे ।

कहाँ सकिन्छ र यहाँ एकलै जिउनलाई
तिम्रै त्यही न्यानो साथ् पाएर, त रोजे ।

मिठो लाग्दैछ झन्झन् यो माया कस्तो
नअघाउने कहीले पनि खाएर, त रोजे ।

साथ मायालुको भएर त बाच्ने मन हुन्छ
ढुक्ढुकीमा जहिलेसुकै आएर, त रोजे ।

बस्नै गाह्रो एकछिन पनि बिना तिम्रो याद
तनभरी मनभरी जताततै छाएर, त रोजे ।

रेशम श्रेष्ठ
हुवाश्-३,पर्वत 

बिताउनु है जीवन तिमी सधैं हासेर

बिताउनु है जीवन तिमी सधैं हासेर
मै बाच्नेछु दु:खलाई संगै साचेर ।

सहन्छु म जतिसुकै चोट खाए पनि
देखाइदिउला पलपलमै मर्दै बाचेर ।

बिर्सिदिनु ती क्षर्णहरू रमाउनु सधैं
याद् आउने मनका कुरा सबै नासेर ।

कोशिश् मेरो बन्दैछन आफैमा ब्यर्थ
अतितले घच्घच्याउदा मनै नाचेर ।

आसा मर्यो साथ् मर्यो तिमी सँगको
राखेको छू तिम्रो तस्बिर दिलमै टासेर ।

रेशम श्रेष्ठ
हुवाश्-३ , पर्वत ।

धेरै दिनमा आज आएछु है म

धेरै दिनमा आज आएछु है म
मनभरी खुशीहरु ल्याएछु है म ।

प्रतीक्षामा बस्दाबस्दै दिनहरु बित्यो
आज त तिम्रो साथ पाएछु है म ।

मनमा पनि रमाइलो छाउदैछ मेरो
गुनगुनाउदै गीत पो गाएछु है म ।

थाहाहै भएन यो मन्लाई के भयो
ख्यालख्यालमै माया पो लाएछु है म ।

रेशम श्रेष्ठ ।
हुवाश्-३, पर्वत

तिमीलाई सम्झने यो मनले बेहाल बनायो

तिमीलाई सम्झने यो मनले बेहाल बनायो
बगेर आसु मन भित्रै मेरो ताल बनायो ।

लाग्छ यो ज्यान अडिएछ तिम्रै मायामा
याद्ले नै तिम्रो छचल्किने छाल बनायो ।

दौडन्थे म निकै खै  के भयो आजकल
संगतले तिम्रै मेरो सुस्त चाल बनायो ।

बाटो पनि अल्मलिन्छ कुन्नी किन हो
अल्झाएर तिम्रै मायालेनै झाल बनायो ।

बुझ्नै नसकिने यो माया कस्तो हो
मलाई बाध्ने त्यहि एउटा जाल बनायो ।

रेशम श्रेष्ठ
हुवाश्-३, पर्वत ।

तिम्रै यादमा घुट्की नशाको पिएर बस्दैछु

तिम्रै यादमा घुट्की नशाको पिएर बस्दैछु
तिम्रै प्रतिक्षामा म त आफै खिएर बस्दैछु ।

खुशीको बाहार ल्याउछु तिम्रै लागि भन्दै
सबैसबै पिडाहरू आफैसँग लिएर बस्दैछु ।

जीवन बित्दैछ मरुभुमीमा बनेर बन्दकी
रगत पसिना अर्कैको लागि दिएर बस्दैछु ।

साथ् तिम्रो भयो केबल आफ्नै कल्पनामा
दिनहरू ती मिलनका सम्झिएर बस्दैछू ।

गाह्रोरहेछ् यो जिन्दगी  जिउनलाई एक्लै
टुक्रिएको मुटु मेरो आफै सिएर बस्दैछु ।

रेशम श्रेष्ठ
हुवाश्-३, पर्वत ।

बगैचामा तिमीसंगै फूल्ने मन छ मेरो

बगैचामा तिमीसंगै फूल्ने मन छ मेरो

झुमेर तिम्रै नशामा भुल्ने मन छ मेरो ।

सारा मनका मेरा सूखदु:ख हरूलाई
तिम्रै अगाडि आएर खुल्ने मन छ मेरो ।

भ्याउनुछ घुमेर संसार यो धेरै छ
यात्री बनेर तिमीसंगै डुल्ने मन छ मेरो ।

पाएपछी तिमिलाई हराउछ भोक प्यास
बनेर तिम्रै मिठो निद्रा झुल्ने मन छ मेरो ।

रेशम श्रेष्ठ
हुवाश्-३, पर्वत

मनमै देवता हुने भए मन्दिर धाउनु के को लागि

मनमै देवता हुने भए मन्दिर धाउनु के को लागि
सुनकै महल भेटेदेखी झुप्रो छाउनु के को लागि ।

सूख मात्रै हुनेथ्यो त बिबस यो जिन्दगीमा
सधैं सधै दुख मात्रै पाउनु के को लागि ।

मनको पिडा सुनिदिने भेटिएन कोहि यहाँ
रोएर जतिबेलै गीत गाउनु के को लागि ।

भित्रभित्रै दुख्छ मनमा पोल्छ पनि कताकता
बाहिरै घाऊ देखाएर मलम लाउनु के को लागि ।

छोड्दैछन सबै आफ्नाहरू भन्नेले पनि
पिडा मात्रै दिनु छ भने आउनु के को लागि ।

रेशम श्रेष्ठ
हुवाश्-३, पर्वत ।

आज एउटा मेरै गीत, गाउदैछु म

आज एउटा मेरै गीत, गाउदैछु म
लागेर तिम्रै पछिपछि, धाउदैछु म ।

खुशी छू धेरै पाएर साथ् तिम्रो
नजानेनी माया प्रिती, लाउदैछु म ।

थाहा थिएन अर्थ केही जीन्दगीको
तिमी आएर नयाँ जीवन,पाउदैछु म ।

खोज्दैछु तिम्रै खुसी भेटाउलानी भनी
संगै हिंड्ने बाटो हाम्रो, बनाउदैछु म ।

तड्पि बस्दा धेरैकुरा खेल्छ मनभरी
तिम्रो मेरो दुरी मेट्न, आउदैछु म ।

रेशम श्रेष्ठ
हुवाश्-३, पर्वत ।

तिम्रै लागि देवीदेउता भाकेर बसे

तिम्रै लागि देवीदेउता भाकेर बसे
तिम्रो चिनो रुमाल साथमा राखेर बसे ।
 
झल्को तिम्रो धेरैधेरै आउँदा मनभरी
तस्बिर तिम्रो यहि हातले छामेर बसे ।

सपनिमा आउछौ तिमी साथ जतिखेर
उज्यालो त्येही बिपनीलाई डाकेर बसे ।

हुन्छौ तिमी जतिखेरै मन्को मझेरीमा
तिम्रै लागि रहर मेरो साचेर बसे ।

मनमुटु तिम्रै नाममा अर्पेको छू मैले
देख्दिन तिम्रो गल्तिहरू राम्रै ठानेर बसे ।

रेशम श्रेष्ठ ।
हुवाश्-३, पर्बत ।

संसारलाई उज्यालो दिन आफै बलेर के पायौ

संसारलाई उज्यालो दिन आफै बलेर के पायौ
दुनियालाई खरानी बनाउन आफै जलेर के पायौ ।

सुन्दर यो संसारको महत्व बुझिनौ तिमिले
आफ्नै समस्या लुकाएर सबैलाई छलेर के पायौ ।

जीवन एउटा फूल हो फुलाउनु पर्छ सबैले
सानो बोट तिमी एउटा आफै ढलेर के पायौ ।

हिड्नु थियो धेरै लामो बाटो जिन्दगीको
आधी बाटो नहिड्दै बिचैमा चलेर के पायौ ।

रेशम श्रेष्ठ
हुवाश - ३, पर्वत ।

तिम्रै जित हुन्छ भने, मै हारिदिउला के भो त

तिम्रै जित हुन्छ भने, मै हारिदिउला के भो त
तिम्रो यादमा दुइथोपाआँशु, झारिदिउला के भो त

बढ्नु अगाडि धेरै धेरै, शुभकामना मेरो तिमिलाई
मेरा रहर ईच्छाहरू चिचिलामै मारिदिउला के भो त

रोएर मै तिम्रो जिन्दगीमा, खुशी छाउछ भने
आफैलाई म बियोगमा, पारिदिउला के भो त

सहन्छु ब्य्थाहरू जतिसुकै, दिएपनी तिमिले
खुशीहरू भएजती तिमितिरै सारिदिउला के भो त

अर्थ छैन् जीवनको तिमिबिना जिउनु पर्दा
पागलको नाटक गरि टारिदिउला के भो त

रेशम श्रेष्ठ
हुवाश-३, पर्बत ।

दिनहरू मेरो तिम्रै यादमा जलेर गयो

दिनहरू मेरो तिम्रै यादमा जलेर गयो
बिर्सेछैन अझै भन्दै छलेर गयो ।

उर्लेको कल्कलाउदो जवानी त्यो देख्दा
मेरै बिगतलाई फेरि अझै मलेर गयो ।

पलहरू तिमीसँगको थियो अती मिठो
अल्मलायो समयले अब ढलेर गयो ।

हिड्दै थिए म एक्लै यो जिन्दगीमा
दौडेर मेरो जीवन आफै चलेर गयो ।

चाहान्थे म सधैभरी मिठो साथ् तिम्रो
पर्खिएन ती दिनले पनि टलेर गयो ।

रेशम श्रेष्ठ
हुवाश-३, पर्बत ।